ABA ចូលរួមក្នុងសកម្មភាពដាំកូនឈើ និងជួសជុលកែលម្អអគារសិក្សារបស់ សមាគមធនាគារនៅកម្ពុជា (ABC) នៅខេត្តតាកែវ

ABA ដែលជាធនាគារពាណិជ្ជធំបំផុតនៅកម្ពុជា¹ បានចូលរួមធ្វើជាអ្នកឧបត្ថម្ភក្នុង ព្រឹត្តិការណ៍ដាំកូនឈើ និងជួសជុលកែលម្អអគារសិក្សា ដែលរៀបចំឡើងដោយ សមាគមធនាគារនៅកម្ពុជា (ABC) កាលពីថ្ងៃទី 21 មិថុនា 2024 កន្លងទៅ នៅសាលាបឋមសិក្សាសត្ថារាម ក្នុងខេត្តតាកែវ។

កម្មវិធីនេះ ត្រូវបានអញ្ជើញចូលរួមដោយ អ្នកតំណាងរបស់ ABC, ក្រុមការងារ ABA សាខាខេត្តតាកែវ ព្រមទាំងភ្ញៀវកិត្តយសជាច្រើនទៀត។

កម្មវិធីនេះបានបញ្ចប់ទៅជាមួយនឹងលទ្ធផលដ៏ល្អប្រសើរ ដោយក្នុងនោះ អគារសិក្សាចំនួនពីរខ្នង ត្រូវបានលាបពណ៌ និងជួសជុលកែលម្អ ព្រមទាំងបានសាងសង់ទ្វារច្រកចូលថ្មី ដែលជួយឲ្យបរិយាកាសសិក្សា និងការអប់រំសម្រាប់សិស្សានុសិស្ស និងលោកគ្រូ-អ្នកគ្រូ កាន់តែប្រសើរឡើង។ ក្រៅពីនេះ អ្នកចូលរួមទាំងអស់ ក៏បានដាំកូនឈើចំនួន 200 ដើម នៅក្នុងបរិវេណសាលារៀនដើម្បីបន្ថែមសម្រស់ពណ៌បៃតងនៅក្នុងទីធ្លាសាលាផ្ទាល់ផងដែរ។

លោក មាស ខេមរា ប្រធានសាខា ABA ខេត្តតាកែវ បានបង្ហាញការកោតសរសើររបស់លោក សម្រាប់កម្មវិធីនេះថា “សាលារៀនជាច្រើននៅក្នុងខេត្តតាកែវ កំពុងត្រូវការការកែលម្អបន្ថែម។ គម្រោងនេះ ដែលរួមបញ្ចូលទាំងការជួសជុលហេដ្ឋារចនាសម្ពន្ធសាលារៀន និងដាំកូនឈើ គឺជាគំនិតផ្ដួចផ្ដើមដ៏ល្អមួយ ក្នុងការធានានូវគុណភាពអប់រំ និងបរិស្ថានបៃតងសម្រាប់សិស្សានុសិស្សនៅភូមិតារ៉ុង”។

កម្មវិធីនេះ បានដើរតួនាទីដ៏សំខាន់ ក្នុងការលើកកម្ពស់ការអនុវត្តគោលការណ៍ហិរញ្ញវត្ថុប្រកបដោយស្ថិរភាព និងទំនួលខុសត្រូវសង្គមរបស់សាជីវកម្ម នៅក្នុងប្រទេសកម្ពុជា។ គំនិតផ្ដួចផ្ដើមនេះ មិនត្រឹមតែស្របនឹងគោលការណ៍ជួយសង្គមរបស់ធនាគារ ABA ប៉ុណ្ណោះទេ ប៉ុន្ដែថែមទាំងត្រួសត្រាយផ្លូវសម្រាប់សិស្សានុសិស្សក្នុងការទទួលបានការអប់រំដែលត្រឹមត្រូវ ដែលពង្រឹងគុណភាពរស់នៅរបស់ពួកគេបន្ថែមផងដែរ។

_{¹ ABA គឺជាធនាគារពាណិជ្ជធំបំផុតនៅកម្ពុជា គិតលើទ្រព្យសកម្មសរុប, កម្ចីដុល, ប្រាក់បញ្ញើអតិថិជន និងប្រាក់ចំណេញ ផ្អែកលើរបាយការណ៍ត្រួតពិនិត្យរបស់ធនាគារជាតិនៃកម្ពុជា ប្រចាំឆ្នាំ 2021-2023។}